En dus fin trais lieus en la Surselva manavan pitschens flums memia pauc'aua, uschia ch'els hajan stuì salvar ils peschs, ha declerà il schef da l'Uffizi da chatscha e pestga Adrian Arquint. Quai sajan mintgamai stads tranter 30 e 100 peschs. Quels hajan els lura mess ora en in auter lieu.
Quai è dentant er in lieu ch'ins sa dals onns precedents ch'i vegn pauc aua, e ch'igl è da far insatge a favur dals peschs.
A Mesocco hajan els mesirà curt ina temperatura da 22 grads, ha Adrian Arquint agiuntà. Quest lieu vegnia observà vinavant, ma fin uss na saja quai anc betg stà problematic.
RR actualitad 08:00