Siglir tar il cuntegn
cuntegn

Chantun Andri Perl survegn il Premi grischun da litteratura

L'autur, rappunz e politicher vegn undrà per sias activitads multifaras sco autur da romans, raquints e lirica, sco dramaturg, rappunz e columnist, hai num en la communicaziun.

Legenda: Guardar il video novitad – premi da litteratura per Andri Perl. Durada 00:17 minutas.
Or da Telesguard dals 18.01.2019.

Il premi ch'è dotà cun 10'000 francs vegn surdà da la fundaziun Premi grischun da litteratura. Perl ch'è creschì si e viva a Cuera è surtut vegnì enconuschent sco rappunz da la gruppa «Breitbild» ed entras ses romans «Die Luke» e «Die fünfte, letzte und wichtigste Reiseregel».

L'autur da 35 onns ha studegià istorgia d’art e germanistica a l’Universitad da Turitg e silsuenter fatg il master da dramaturgia a la Scola auta turitgaisa d'art.
Dasper sia lavur artistica s'engascha Perl er en la politica. Dapi il 2014 sesa el en il Cussegl grond sco deputà da la Partida socialdemocratica.

Il Premi grischun da litteratura vegn surdà ils 13 da favrer en la Biblioteca chantunala a Cuira.

RR novitads 06:00