Siglir tar il cuntegn

Header

audio
Raischens: Co proteger ils animals da chasa
Or da Actualitad dals 28.04.2021.
laschar ir. Durada: 02:45 minutas.
cuntegn

Animals da chasa e da niz Raischens: Betg sutvalitar quels animalets

El mender cas, po ina infecziun tar il chaun, giat, la vatga, chaura u nursa che na vegn betg tractà, manar tar la mort da l’animal. Perquai saja fitg impurtant da controllar regularmain sche l’animal ha raischens.

Prevenziun

Cunzunt tar chauns e giats èsi necessari da controllar tar il chau, las ureglias ed il venter suenter ch’els sun stads giuadora, di il veterinari chantunal, Giochen Bearth. La meglra prevenziun saja, da prender davent uschè svelt sco pussibel il raischen da l’animal per evitar ina infecziun che na saja betg exnum la medema sco tar ils carstgauns. Cun prender davent il raischen, u cun ina pincetta u a maun, ston ins dar adatg da betg smatgar il raischen u be trair ora il corp senza il chau.

Ina virola sco prevenziun, sco ch'i dat per nus carstgauns, na datti betg per ils animals, di Giochen Bearth. Dentant dettia autras metodas per proteger noss animals da chasa. Per exempel cun in cularin che ha en in repellent, quai è ina substanza ch'ils raischens na han betg gugent, per evitar che raischens mordan il chaun u il giat. In'autra metoda che saja sa cumprovada, èn ampullas cun las qualas ins fruschia il repellent sin la tatona dal chaun u dal giat.

Ina garanzia da 100% per betg survegnir raischens, na sajan dentant tut las prevenziuns betg. Perquai: Adina puspè controllar l'animal ch'el n'haja betg raischens e btg sutvalitar quels animalets.

Era per ils animals da niz datti medicaments da prevenziun. Tar las vatgas fruschian ins quels medicaments sin il dies e tar las nursas sappian ins per exempel metter il medicament en in zaiver e laschar far bogn l’animal en là, declera il veterinari chantunal.

Infecziun entras chaun u giat

Avair tema che nus pudessan s'infectar tar il chaun u giat ch'è s’infectà, na stuain nus betg. Dentant poi esser ch'il raischen va davent dal chaun vi tar nus cura che nus pupragnain l’animal e quai po esser il privlus. Perquai era lavar regularmain las cuvertas nua ch'il chaun u il giat giascha, per evitar ch'ins piglia si da la cuverta in raischen, di Giochen Bearth.

Infecziun entras vatga, chaura u nursa

Tar ils animals da niz po la malsogna vegnir dada vinavant sur il latg. Sche nus bavain il latg criv, direct da la vatga, chaura u nursa, senza ch’il latg è vegnì pastorisà, po la malsogna vegnir dada vinavant a nus, declera veterinari chantunal.

audio
Tge far tar ils animals da niz?
02:43 min, Actualitad dals 28.04.2021.
laschar ir. Durada: 02:43 minutas.

Midada dal clima

In'autra sfida saja, ch'ils raischens sa derasian pli e pli fitg. Avant intgins onns avevi anc num, ch’i na dettia sur 1'000 meters sur mar nagins raischens pli, uschia Giochen Bearth. Uss chattan ins raischens enfin varga 1'500 meters sur mar. Sper la derasaziun vegnian era novas malsognas transportada dals raischens tar nus ch’i devia avant be sin auters continents.

RTR actualitad 07:00

Artitgels legids il pli savens

Scrollar a sanestra Scrollar a dretga