Annunzia uffiziala per gieus d'enviern en il Grischun

Sco la regenza chantunala communitgescha, haja ella inoltrà l'annunzia per la procedura naziunala da nominaziun per la candidatura svizra.

rintgs olimpics Bild in Lightbox öffnen.

Legenda da maletgs: Gieus olimpics d'enviern 2026: Uss è il Grischun uffizialmain en la procedura naziunala da nominaziun. Keystone

Uschia pussibilitescha la regenza al team da project ch'è vegnì nominà da l'uniun «Olimpia Grischun 2026» da sa participar als lavuratoris che vegnan realisads da Swiss Olympic.

Durant las proximas emnas sto vegnir sviluppà vinavant il concept general ch'è vegnì elavurà dal team da project. Quai resguardond ils resultats dals lavuratoris che vegnan realisads da Swiss Olympic.

Tenor il dossier olimpic vul ins duvrar l'infrastructura ed il know-how ch'i dat en il Grischun areguard manifestatziuns grondas. Cun reparter l'infrastructura a moda decentrala, er en lieus ordaifer il chantun, po la persistenza dal project vegnir influenzada a moda positiva.

RR novitads 14:00