In apéro per s'inscuntrar e sa mussar per tgirar contacts, ed en il cas ideal era metter fil en guglia per projects futurs. E quai sur ils cunfins da las branschas ora. «Igl é schont in zic in scurlar mauns. Da l'autra vart è quai ina tradiziun ch'ins duess mantegnair e tgirar», di il cusseglier naziunal Martin Candinas. L'interprendidra e cussegliera naziunala Magdalena Martullo-Blocher n'è però betg vegnida mo per smalltalk. I saja effizient d'inscuntrar tut las persunas da differents secturs en in lieu. I giaja era per discutar e definir projects.
Ulteriurs hosps sin tribuna èn stads il comicher Claudio Zuccolini, il cuschinier da 19 puncts Andreas Caminada, il president da Grischun Vacanzas Jürg Schmid ed il nov cusseglier guvernativ Marcus Caduff.
RR actualitad 17:00
