Apotecas porschan adina dapli

Sper las purschidas classicas da l'apoteca, pon ins far ozendi bler dapli en l'apoteca. Davent da vaccinaziuns cunter raischens e la grippa fin tests da cancer dal begl. Dad ina vart profiteschan las apotecas, da l'autra vart vegnan ils medis distgargiads.

apoteca endadens Bild in Lightbox öffnen.

Legenda da maletgs: Sper las purschidas tradiziunalas, pon ins adina far dapli en las apotecas. Keystone

Grazia a la nova lescha da sanadad han las apotecas pudì schlargiar lur purschida. Ozendi pon ins era laschar vaccinar cunter raischens e la grippa ni far in test da cancer dil begl. Tenor Max Caviezel da l'Uniun grischuna d'apotechers duajan talas purschidas vegnir augmentadas. L'onn passà hajan tranter 500 e 600 persunas laschà vaccinar en ina apoteca. Qua hajan ins anc bler potenzial.

purtret Max Caviezel Avrir maletg en lightbox.

Legenda da maletgs: Il president da l'uniun grischuna d'apotechers Max Caviezel. RTR, Ursin Lechmann

«  La dumonda è sche las persunas enconuschan la purschida. »

Max Caviezel
president da l'uniun grischuna d'apotechers

Natiralmain ch'ils apotechers profiteschan da las purschidas supplementaras. Max Caviezel è dentant persvadì, ch'era ils medis profiteschan. Grazia a las purschidas e las cussegliaziuns da las apotecas, vegnian ils medis da chasa distgargiads. Ed era ils custs da sanadad che creschan adina pudessan tenor Caviezel uschia vegnir franà in pau.

RR actualitad 08:00