Siglir tar il cuntegn

Header

video
Jürg Schmid duai direger Grischun Vacanzas
Or da Telesguard dals 16.05.2017.
laschar ir. Durada: 4 minutas 42 Secundas.
cuntegn

Chantun Arbajas anticipadas per Schmid

Jürg Schmid duai daventar nov president da l'organisaziun da marketing grischuna, Grischun Vacanzas. A la radunanza extraordinaria il zercladur datti sulet ina tractanda: elecziun da Jürg Schmid sco nov president. Blers concedan a Schmid gronda abilitad per il post, i dat er vuschs criticas.

Dapli da Jürg Schmid

Avrir la box Serrar la box
  • Naschì ils 02-11-1962.
  • Emprendissadi mercantil tar banca Vontobel.
  • Studi d'economia da manaschi HWV Turitg.
  • Account Manager tar Hewlett Packard.
  • 1994 - 1999 en diversas funcziuns per Oracle Corporation.
  • Dapi november 1999 directur da Svizra Turissem.

Ad RTR ha Schmid ditg ch'el veglia purtar success e schlantsch al turissem grischun.Per sia nova funcziun saja in avantatg ch'el arrivia d'ordaifer il Grischun. El saja liber e possia guardar tut or d'ina perspectiva objectiva. In dals puncts ferms dal Grischun èn per Schmid las linguas e cun quai era il rumantsch. Schmid è actualmain directur da Svizra Turissem. Lezza ha communitgà che l'econom da manaschi da 54 onns bandunia Svizra Turissem per daventar independent. Schmid vul manar in'atgna agentura da marketing e surpigliar dasperas intgins mandats elegids, sco per exempel quel sco president da Grischun Vacanzas.

Friberg cuntent

Ses antecessur en uffizi, Marcel Friberg, è fitg cuntent cun questa schliaziun. Schmid saja il candidat ideal per questa sfida. Quai ha Friberg ditg sin dumonda da la gasetta «Südostschweiz».

Reacziuns maschadadas

Critica envers la designaziun da Jürg Schmid vegn dal l’hotellaria: Ernst Wyrsch, president da Hotellerie Suisse Grischun, exprima dubis, che Jürg Schmid haja, sper ses auters mandats, avunda temp per il presidi da Grischun Vacanzas. Wyrsch avess vesì pli gugent ina dunna a la testa da l’organisaziun.

Elecziun spustada

Il prim da matg 2017 avess Grischun Vacanzas atgnamain gì d'eleger la successura u il successur da Marcel Friberg. Damai ch'i n'era lura anc betg cler, cura che Schmid possia bandunar Svizra Turissem, è l'elecziun vegnida spustada sin mez zercladur 2017.

video
In chat cun il president designà da Grischun Vacanzas, Jürg Schmid.
Or da Actualitad dals 16.05.2017.
laschar ir. Durada: 2 minutas 41 Secundas.

RR novitads 06:00

Artitgels legids il pli savens