Las skizzas dad Arno Camenisch han gia fatg lungs viadis: Da Moscau e Buenos Aires fin a New York – ed uss en la Biblioteca chantunala a Curia. Là èn ellas accessiblas per mintgin.
Las skizzas guardan ora sco in chaos, dentant èsi notà fitg precis quai che jau dovrel.
Or d'ina notizia, in pled, datti pli tard ina pagina u dapli en in cudesch. Las notizias per las prelecziuns sin tribuna scriva il scriptur sin fegls u directamain en il cudesch sez. Mintga figura survegn ina colur e mintga passascha vegn precis terminada.
Dentant, Arno Camenisch lascha er capitar la show. I dovria adina plaz per chaussas spontanas che capitan tuttenina. En sasez sa tractia da cumposiziuns u partituras sco per ina chanzuns, di Camenisch.
Il pli impurtant per ir sin tribuna è: Make it shine!
Per part datti tranter las notizias era texts che n'èn mai vegnids publitgads, ma ch'èn dentant era be scrits per la tribuna.
L’exposiziun è anc da vesair enfin ils 31 da mars 2017 en la Biblioteca chantunala dal Grischun a Cuira.
RR actualitad 17:00