Siglir tar il cuntegn

Chantun Assicuranza d'edifizis en GR fa perdita operativa da 14 milliuns

L'assicuranza d'edifizis dal Grischun ha fatg l'onn passà ina perdita operativa da 13,7 milliuns francs, quai è il mender resultat dapi 12 onns. Ina da las raschuns è la bova da Bondo.

Legende: Video Assicuranza d'edifizis: La summa dals donns a Bondo abspielen. Laufzeit 02:29 Minuten.
Or da Telesguard dals 24.04.2018.

Da tut ils donns elementars da 14 milliuns francs derivan varga 12 milliuns francs da la bova da Bondo. Sper quai hai era dà dus gronds incendis, ina giada a Trimmis tar la Baustoffe SA ed ina giada a Tusaun tar la Land. Quels han chaschunà donns da radund 7 milliuns francs. En tut hai dà donns vid bajetgs da 29 milliuns francs.

Sut il stritg hai dentant tuttina dà in gudogn da 20 milliuns francs – quel è d'engraziar ad in bun onn a la bursa ed a bunas fatschentas d'investiziun. Là hai dà in gudogn da bun 50 milliuns francs.

RR novitads 12:00