Siglir tar il cuntegn

Header

Sfessa gronda en ina chasa.
Legenda: Sche bajetgs han donns totals suenter sbuvadas permanentas, duai l'assicuranza da bajetgs stuair pajar. Keystone
cuntegn

Assicuranza d'edifizis Indemnisaziuns da donns tar sbuvadas permanentas

Tgi che ha in bajetg che vegn donnegià total da sbuvadas permanentas, duai vegnir indemnisà en l'avegnir. Per che quai possia capitar, ha la regenza grischuna concludì ina revisiun parziala da l'ordinaziun tar la lescha davart l'assicuranza d'edifizis. Las novas disposiziuns entran en vigur retroactiv cun il prim d'avrigl da quest onn.

In sbuvaditsch è gia oz in privel assicurà, sbuvadas permanentas dentant betg. Indemnisads vegnan dentant en il futur mo donns totals tras sbuvadas permanentas. Per donns pitschens sco sfessas u sbassadas na datti vinavant nagins daners.

RR novitads 10:00