Siglir tar il cuntegn

Header

Ina dunna vid in plaz da lavur cun dus computers.
Legenda: Cun agid dad e-government duai l'administraziun tar l'assicuranza e l'intermediaziun da dischoccupads vegnir pli simpla. Keystone
cuntegn

Assicuranza da dischoccupaziun Distgargia administrativa per las vischnancas

Actualmain vegn stgaffida sin champ federal la basa legala per introducir e-government tar l'assicuranza da dischoccupaziun. Differents process sco per exempel l'annunzia d'ina dischoccupaziun duain en futur esser pussaivlas er a moda electronica ubain direct tar ils Centers regiunals per l'intermediaziun da lavur RAV. Per las vischnancas, ch'han actualmain l'incumbensa da pigliar encunter las annunzias persunalmain, munta quai ina distgargia.

Per quest intent sto er il chantun adattar la lescha correspundenta als novs svilups sin plaun federal, sco la regenza grischuna communitgescha. Da las midadas federalas e chantunalas spetga la regenza proceduras pli simplas e pli sveltas e da quellas duessan era ils dischoccupads profitar.

La regenza ha uss deliberà la missiva tar la revisiun parziala da la lescha correspundenta per mauns dal Cussegl grond.

RTR novitads 09:00