Siglir tar il cuntegn

Chantun ASTRA ha planisà terz vial a Sufers

Il ASTRA ha plans per in terz vial sin il tschancun tranter Sufers e la galaria Traversa Sid. Quai n’è dentant betg precis il lieu, nua ch'il grev accident cun trais morts ed 11 blessads è succedì la dumengia, mabain in zichel avant.

La dumengia è la A13 stada serrada durant pliras uras suenter in grev accident da traffic.
Legenda: La dumengia è la A13 stada serrada durant pliras uras suenter in grev accident da traffic datiers da Sufers. Pocha GR

La finamira da quest terz vial è ch’ils automobilists pon vargar pli simpel, per exempel ils blers camiuns che van sur il San Bernardino. La raschun per quest terz vial n'è dentant betg il dumber da grevs accidents, uschia Eugenio Sapia dal ASTRA.

Betg là, nua ch'accident è capità

Il terz vial n’è era betg planisà là nua che l'accident è capità, mabain curt avant. Sin il tschancun sper il lai da Sufers nua che l'accident mortal è capità la dumengia, na datti nagins plans concrets da midar insatge, uschè Eugenio Sapia dal ASTRA.

Scumond da surpassar

Il chantun Grischun dentant avess interess da meglierar la situaziun. «L’emprim vegnin nus a sclerir l'accident e lura tut tenor a contactar il ASTRA per prender mesiras», ha ditg Reto Knuchel, l’inschigner chantunal. «La meglra schliaziun fiss probabel da far in scumond da surpassar.»

En la medema crenna dat er Hans Hasler, il vicepresident da Sufers e planisader da traffic. Tenor el fiss in scumond da surpassar ed ina limita da spertadad il meglier per evitar tals accidents. Sufers vegnia en scadin cas a prender si contact cun il chantun per meglierar la situaziun.