Siglir tar il cuntegn

Chantun Atelier grischun – nov er a Roma

En in il rom d’in project da pilot porscha il chantun er a Roma in stipendi d’atelier ad artistas u artists indigens. Quai ha el communitgà il venderdi a las medias.

Ina part da l'abitaziun.
Legenda: L'abitaziun d'atelier a Roma tutga al chantun Son Gagl. Keystone

Dapi il 2013 mettia il chantun gia a disposiziun in atelier d’abitar a Vienna. Ussa vul el collavurar en ina fasa da pilot cun il chantun da Son Gagl ed il Principadi da Liechtenstein per ils onns 2019 e 2021.

Artistas ed artists grischuns possian viver e lavurar gratuitamain en l’atelier d'abitar a Roma en il quartier San Lorenzo a la Via dei Latini 18. Sper la dimora gratuita en l’abitaziun mobigliada porschia il chantun anc 2'000 francs il mais suren sco supplement per ils custs da viver.

Tenor la chanzlia chantunala possia s’annunziar, tgi che saja artista u artist professiunal, haja domicil en il chantun Grischun ed ina stretga relaziun cun quel o cun sia cultura. Las annunzias sajan d'inoltrar fin ils 26 d’october per tut las spartas e na sajan betg liadas a la vegliadetgna.

RR novitads 10:00