Questa notg è l'enviern anc ina giada turnà en las alps. Ad Arosa hai dà tenor SRF Meteo 17 centimeters naiv nova. Ad Adelboden en il chantun Berna hai dà 11 centimeters ed ad Andermatt en l'Uri 4 centimeters. Er la La Chaux-de-Fonds en il chantun Neuchâtel haja dà ina pitschna vetta naiv.
En la Bassa ha MeteoSvizra dentant annunzià in mix da plievgia, tschajera e scleridas cun 11 grads. Tut in auter purtret datti en il sid: Là han il meteorologs previs favugn nà dal nord cun temperaturas d'enturn 20 grads e sulegl. En vista a l'entschatta da l'emna pudessi anc ina giada schelar il palantschieu.
audio
Per tadlar: las novitads da las 12:00
ord RTR Audio dals 02.05.2021.
laschar ir. Durada: 4 minutas 21 Secundas.