Dapi l'entschatta favrer fan adina plirs l'examen dad ir cun automat. Quai confermà l'Associaziun d'uffizis da vias, l'Associaziun Svizra da scolasts dad ir cun auto ed il Post da consultaziun svizzer per la prevenziun d'accidents. Cifras concretas èn il mument anc betg sin maisa.
Midada dispitaivla
Il december 2018 ha il Cussegl federal decidì la midada da lescha e gia il favrer valeva ella: Sch'ins fa l'examen cun in automat dastgan ins silsuenter era charrar cun autos da gir. Uschia vul l'Uffizi federal da vias promover l'electromobilitad.
Il Post da consultaziun svizzer era davent da l'entschatta encunter la midada. Tenor els saja quai in ritg, perquai vegnan els ils proxims onns ad evaluar las cifras en connex cun la nova lescha ed accidents.
RR actualitad 07:00