Siglir tar il cuntegn

Header

audio
Bunura: Far l'examen dad ir cun automat e tuttina ir cun autos cun girs
Or da Actualitad dals 12.10.2019.
abspielen. Laufzeit 03:53 Minuten.
cuntegn

Automat u auto cun girs? Adina pli blers fan l'examen dad ir cun automat

Dapi bunamain sis mais pon ins far l'examen dad ir cun automat e tuttina ir cun autos cun girs. Quai ha sco consequenza che adina pli blers fan l'examen cun automat.

Dapi l'entschatta favrer fan adina plirs l'examen dad ir cun automat. Quai confermà l'Associaziun d'uffizis da vias, l'Associaziun Svizra da scolasts dad ir cun auto ed il Post da consultaziun svizzer per la prevenziun d'accidents. Cifras concretas èn il mument anc betg sin maisa.

Midada dispitaivla

Il december 2018 ha il Cussegl federal decidì la midada da lescha e gia il favrer valeva ella: Sch'ins fa l'examen cun in automat dastgan ins silsuenter era charrar cun autos da gir. Uschia vul l'Uffizi federal da vias promover l'electromobilitad.

Il Post da consultaziun svizzer era davent da l'entschatta encunter la midada. Tenor els saja quai in ritg, perquai vegnan els ils proxims onns ad evaluar las cifras en connex cun la nova lescha ed accidents.

RR actualitad 07:00