Auzar cumpetitivitad e valur da regiuns turisticas

La regenza grischuna ha approvà la cunvegna tranter la Confederaziun ed ils chantuns Uri, Vallais, Tessin e Grischun davart il program San Gottardo 2016-2019. En il rom da la nova politica regiunala vegn promovì cun quest program il svilup economic en la regiun rurala.

Ina cuntrada muntagnarda. Bild in Lightbox öffnen.

Legenda da maletgs: Il program San Gottardo 2016-2019 cumpiglia quatter chantuns cun numerusas regiuns ruralas. Gottardo.ch

Cun differentas mesiras duai vegnir rinforzada la cumpetitivitad da singulas regiuns e duai vegnir augmentada la valurisaziun da talas, scriva il chantun. Ensemen cun ils chantuns Tessin, Uri e Vallais ha il chantun Grischun elavurà in program da realisaziun per il territori dal Gottard. En il center da quest program stat il turissem.

Confederaziun paja 38 milliuns francs

Grazia a las activitads da la politica regiunala da fin uss, en spezial pervia da la stretga collavuraziun d’Andermatt-Sedrun-Mustér (tranter auter cun la colliaziun dal territori da skis) sa manifesteschian impuls economics impurtants per la regiun Surselva.

La Confederaziun sa participescha cun 38 milliuns francs vid il program San Gottardo, ils chantuns pajan en total 14,2 milliuns francs. Il Grischun contribuescha 4,1 milliuns.

RR novitads 09:00