Siglir tar il cuntegn

Header

video
«Babulins» – App rumantscha per uffants
Or da Actualitad dals 27.01.2018.
laschar ir. Durada: 3 minutas 14 Secundas.
cuntegn

Chantun «Babulins» – App rumantscha per uffants

Emprender pleds a moda simpla e divertenta? L'app da la Lia Rumantscha porscha quai ed animescha da scuvrir differents munds ensemen cun Luisa e Nic ed ils ulteriurs commembers da la famiglia Babulin. L'app includa tut ils idioms.

Per promover ch'uffants tranter 3 e 6 onns emprendan rumantsch a moda simpla, ha la Lia Rumantscha sviluppà ina app cun il num «Babulins». Ensemen cun Luisa e Nic ed ils ulteriurs commembers da la famiglia Babulin, pon ils pitschens scuvrir differents munds.

La app includa tut ils tschintg idioms rumantschs ed ella porscha quatter activitads differentas:

  • tadlar ina curta introducziun
  • smatgar sin in maletg per udir il pled (emprender)
  • chattar il dretg maletg e smatgar sin el (applitgar)
  • tadlar la descripziun d'in maletg e chattar el (consolidar)

La nova applicaziun «Babulins» datti per android ed iOS ed ella è gratuita.

L’app «Babulins» fa part da kidsfits, il program da famiglia da la Lia Rumantscha. Realisà la app ha la fatschenta 08EINS AG. Las illustraziuns da la app vegnan dad Yvonne Gienal.

RR actualitad 07:00

Artitgels legids il pli savens