Legenda:
Dapi l'entschatta da la pandemia dal coronavirus hai fin ussa dà 46'704 cas confermads cun tests en labors.
Keystone
En Svizra ed il Liechtenstein èsi vegnì annunzià 465 novas infecziuns da corona dapi venderdi – 6 da questas en il Grischun. Il venderdi aveva l'uffizi federal da sanadad anc annunzià 528 cas e la gievgia 405.
Cunquai è la media sur 7 dis tar 374 novas infecziuns per di. Quai munta in augment da 20% cumpareglià cun l'emna passada. Dals tests che vegnan fatgs èn il mument 3,2% positivs.
Ultra da quai hai dà en Svizra 3 ulteriurs mortoris en consequenza dal virus. Cunquai è il dumber total da persunas ch'èn mortas en connex cun la malsogna da Covid-19 creschì sin 1743.