Sin la plattafurma «angehoerige-betreuen.gr.ch» pon persunas ch'assistan u tgiran confamigliars s'infurmar davart pussaivladads da sustegn. I vegn dà cussegls ed intermedià contacts ed adressas.
La plattafurma ch'il chantun ha lantschà sa drizza era als patruns da quests confamigliars. Quels pon s'infurmar davart lur dretgs e lur duairs e vesan ideas – co els pon sustegnair lur emploiadas ed emploiads en situaziuns difficilas.
Qua chattais la plattafurma
Il chantun spera da pudair sustegnair uschia las persunas che prestan quest servetschs senza paja. Ed el prevesa ulteriuras mesiras per meglierar las cundiziuns generalas. Plinavant ha el integrà questas mesiras sco prioritad en il Program da la Regenza 2021 – 2024.