La fin da l’onn 2018 ha il chantun dumbrà 198’337 abitantas ed abitants, quai èn stgars 500 dapli che l’entschatta dal 2018. Avant 10 onns ha il Grischun dumbrà stgars 192’000 abitantas ed abitants.
Populaziun svizra è creschida 2018 pli pauc ferm
En Svizra è la populaziun creschida l’onn passà per 0,7% sin 8,5 milliuns persunas. L’augment è cun quai restà sut 1% ed uschia da cumparegliar cun il svilup da l’entschatta dals onns 2000, quai mussan las cifras da l’uffizi federal da statistica.
Tant il saldo da migraziun, sco er il surpli da naschientschas èn ids enavos. Cun excepziun dal Tessin e Neuschatel è il dumber da populaziun creschì en tut ils chantuns. Il pli grond augment hai dà en il chantun Sviz, cun in plus dad 1,2%.
Populaziun vegn pli veglia
La populaziun svizra è cumponida dad adina dapli persunas pli veglias. Il dumber da persunas sur 65 onns è creschì da 1’550’400 l’onn 2017, sin 1’577’600 l’onn 2018. Quai è in augment dad 1,8%. 18% da la populaziun svizra èn sur 64 onns, 20% èn tranter 0 e 19 onns.
RR novitads 09:00