Siglir tar il cuntegn

Header

cuntegn

Banca Chantunala Grischuna Danovamain in gudogn da record

La Banca Chantunala Grischuna po guarda enavos sin in bun onn da fatschenta. Il gudogn da concern è creschì sin 185,5 milliuns francs. L'onn avant aveva la banca anc nudà in gudogn da 185 milliuns.

Video
Tschains negativs fan quitads a la banca chantunala
Or da Telesguard dals 07.02.2020.
laschar ir

Sco la banca chantunala scriva, saja il success da la fatschenta da tschains sa reducì per 3%. Quai en emprima lingia pervi da la politica dals tschains negativs. Da l'autra vart haja il svilup dals martgads d'aczias influenzà il resultat a moda positiva. Las ipotecas èn creschidas per 2,2%.

46 francs dividenda

Quest onn po la Banca chantunala pajar ina dividenda da 40 francs per scrit da participaziun e supplementarmain anc ina dividenda da giubileum da 6 francs. Tut en tut paja la banca ora 115 milliuns francs dividendas a ses commembers, quai inclusiv la dividenda supplementara per il giubileum da 150 onns.

Il president da la banca, Peter Fanconi sa legra dal svilup. Ins haja pudì mantegnair il bun livel dal gudogn ed haja er pudì augmentar la productivitad. La strategia da sa participar cun ina maioritad tar l'administraziun da facultad Albin Kistler e la banca privata da Bellerive saja sa cumprovada.

RTR novitads 08:00

Dapli da Grischunavrir la Landingpage

Nach links scrollen Nach rechts scrollen