Siglir tar il cuntegn

Header

Purtrets da duas dunnas.
Legenda: Las nov elegidas Barbara Heller (sanester) e Michèle F. Sutter-Rüdisser. MAD
cuntegn

Banca chantunala grischuna Duas dunnas da nov en il cussegl da banca

La regenza ha elegì Barbara Heller e Michèle F. Sutter-Rüdisser en il cussegl da la Banca chantunala grischuna.

Las elecziuns èn stadas necessarias, damai che la fin mars dal 2021 va a fin la perioda d’uffizi dal vicepresident da la banca Christian Thöny. El haja uschia cuntanschì la limita d’uffizi da 12 onns, sco la regenza scriva. Vitiers dettia dapi in mez onn in post liber en il cussegl da banca.

La funcziun da vicepresident surpiglia il 1. d'avrigl 2021 il cusseglier actual Christoph Caviezel. Quai vala per il rest da sia perioda d’uffizi fin la fin mars dal 2023.

Las novas en il cussegl

Michèle F. Sutter-Rüdisser ha 41 onns, ha studegià scienzas economicas ed è dapi dus onns professuressa titulara a l’universitad da Son Gagl. Ella è creschida si ad Arosa e viva oz a Turitg. Sutter-Rüdisser cumenza ses uffizi il 1. da schaner 2021.

Barbara Heller ha 53 onns ed ha studegià scienzas economicas e politicas. Ella ha lavurà en la branscha da finanzas e da farma en posiziuns directivas durant var dus decennis. Uss maina ella si’atgna interpresa che porscha servetschs en il sectur da la corporate governance. Barbara Heller viva a San Murezzan, ella surpiglia ses uffizi il 1. d'avrigl 2021.

RTR novitads 18:00

Artitgels legids il pli savens

Scrollar a sanestra Scrollar a dretga