Siglir tar il cuntegn

Header

Video
BCG - In sguard en il futur cun il nov CEO Daniel Fust
Or da Telesguard dals 26.09.2019.
abspielen
cuntegn

Banca Chantunala Grischuna Il nov schef metta il focus sin la persistenza

A partir dal prim d'october surpiglia Daniel Fust la direcziun da la Banca Chantunala Grischuna. La gievgia ha el communitgà sias finamiras per l'institut da finanzas.

Il nov schef da la Banca Chantunala Grischuna, Daniel Fust vul cunzunt metter il focus sin la persistenza. Uschia vegnan il 2020 tut ils products d'investiziun che la banca porscha ad esser orientads al criteri da persistenza. Tar decisiuns per investiziuns vul la banca resguardar criteris ecologics e socials.

Ulteriuras finamiras dal nov CEO èn la promoziun da start-ups e da simplifitgar las structuras da la banca. Quai scriva la Banca Chantunala Grischuna en ina communicaziun.

In or da las atgnas retschas

Daniel Fust viva a Panaduz e vegn oriundamain da Domat. El ha fatg avant passa 30 onns l'emprendissadi tar la Banca Chantunala Grischuna ed ha lavurà en differentas partiziuns da la banca, per exempel en il «risk management» ubain en il sectur da l'investment banking. Gia il prim d'october entra el en uffizi e surpiglia cunquai il timun dad Alois Vinzens che va en pensiun.

RR novitads 08:00