Las bancas Raiffeisen dal Grischun han fatg ensemen in gudogn da 4,8 milliuns francs. Cumpareglià cun l’onn passà è quai in plus da bunamain 7%. Quai ha communitgà l’Uniun grischuna da las bancas Raiffeisen. Cunzunt la fatschenta d’ipotecas saja s’augmentada per passa 3% sin bunamain 4,9 milliardas francs.
Tar l’uniun tutgan set bancas independentas cun 36 filialas: las bancas da Raiffeisen Vallada dal Rain, Cadi, Engiadina Val Müstair, Grischun Central, Valposchiavo, Parten-Tavau e Surselva.
Modernisaziun da filialas
Las Bancas Raiffeisen han cumenzà da modernisar las filias en il Grischun. Uschia han ins era avert il 2018 ina filiala sco banca da cussegliaziun a Panaudz. Ils proxims onns duain seguir ulteriuras filialas a Lai, Cuira e conturn, Tusaun, Claustra e Sedrun. La Banca Engiadina Val Müstair vegn il zercladur 2019 a retrair la nova sedia a Zernez. Era Poschiavo survegn l'atun 2019 ina nova, moderna ed averta banca. Persuenter vegnan serrads ils dus lieus a Li Curt e San Carlo.
RR novitads 15:00