Era la bar Twelve a Cuira ha serrà las portas dapi il december. Igl era in lung e grev temp. Il grev temp n'è però anc betg passà. Bars e clubs na san anc adina betg cura ch'ins po avrir las portas. Tuttina resta Johanna Von Ott, possessura dal Twelve, optimistica e da buna luna.
Ella na fa nagins patratgs tge che savess esser. Ella piglia il di sco ch'el vegn. Subit ch'ins possia lura puspè beneventar la glieud èn ella ed il team pronts. Tuttafatg tuttina cun tge prescripziuns. Avrir la bar vul ella en mintga cas.