Siglir tar il cuntegn

Header

Navigaziun

Purtret da l'areal Vial a Domat.
Legenda: Keystone
cuntegn

Chantun «BC-Tech» po sa chasar sin l'areal Vial a Domat

La regenza grischuna dat giu ses dretg da construcziun sin l'areal da l'anteriura resgia gronda. Uschia è la via libra per la «BC-Tech».

La fatschenta «BC-Tech» dastga uschia cumprar la surfatscha da 9'924 meters quadrat en il parc industrial Vial a Domat. Là sa chatta er gia la fatschenta da Hamilton.

«BC-Tech» investescha 15-20 milliuns francs

Tenor la communicaziun dal chantun hajan ins cun la «BC-Tech» pudì domiciliar ina fatschenta innovativa da tecnologia auta a Domat. La firma producescha tranter auter products per l'astronautica, l'aviatica, la medischina u per la tecnica da vacum.

Tut en tut quinta la «BC-Tech SA» d'investir tranter 15 e 20 milliuns francs al nov lieu a Domat. A lunga vista duajan plinavant 110 fin 130 novas plazzas da lavur vegnir creadas en quest lieu a Domat.

RR novitads 12:00