Siglir tar il cuntegn

Header

Video
BCG – In sguard enavos cun Alois Vinzens
Or da Telesguard dals 26.09.2019.
abspielen
cuntegn

BCG Alois Vinzens Pront per in zic dapli ruaus

Suenter var 17 onns a la testa da la Banca Chantunala Grischuna surdat Alois Vinzens la batgetta - e tira bilantscha.

Ses highlight na saja suenter tants onns betg in mument - mabain l'entir temp ch'el ha passenta tar la banca. Dapi l'onn 1984 è Alois Vinzens gia fidaivel a la Banca Chantunala Grischuna - e dapi l'onn 2003 sco CEO. Cun el a la testa ha la Banca Chantunala gì in onn da record suenter l'auter. Alois Vinzens n'è dantant betg losch da sia prestaziun, simplamain cuntent ed i saja ina prestaziun da team e betg singula persuna.

I haja dentant era dà temps pli grevs cun bleras midadas sco per exempel pervi da la crisa da finanzas u il secret da bancas. Tuttina vesa il schef il positiv che quest temp ha purtà.

Malgrà in bun temp, cun 60 onns saja uss temp per ina midada. El vegn a lavurar en differents cussegls administrativs e giudair ina fasa pli ruassaivla en sia vita.

TR Telesguard 17:40