Siglir tar il cuntegn

Header

Navigaziun

Vista en la sala dal Cussegl grond.
Legenda: Per la regenza è la stgamiada en il Cussegl grond avunda gronda. RTR, Prisca Bundi
cuntegn

Chantun Betg limitar il temp d’uffizi en il Cussegl grond

La regenza grischuna na vul betg introducir ina limitaziun dal temp d’uffizi per las deputadas ed ils deputads. Quai scriva ella en ina resposta sin ina moziun.

Per la regenza datti avunda fluctuaziun en il Cussegl grond. Uschia respunda ella sin ina moziun dal deputà da la PBD Oliver Hohl. Durant las elecziuns regularas vegnia il Cussegl grond mintgamai occupà per radund in quart cun novs commembers. Ultra da quai saja il pensum da las partidas da motivar giuvens politichers.

En sia moziun aveva il deputà Oliver Hohl argumentà, che politichers giuvens n'hajan quasi nagina schanza tar elecziuns dal Cussegl grond da gudagnar sezs encunter deputads che sesan gia ditg en il parlament. Perquai vuleva Hohl dar l'incumbensa a la regenza, da far ina proposta adattada per limitar il temp d'uffizi per deputadas e deputads. Var 50 commembers dal Cussegl grond avevan sustegnì la moziun.

RR novitads 12:00