Siglir tar il cuntegn
Inhalt

Chantun «Betg reducir la guardia da cunfin»

La Confederaziun na duai betg reducir las plazzas tar il corp da cunfin – anzi ella duai stgaffir novas plazzas per dar dumogn a las sfidas da l'avegnir. Quai vul la deputada Brigitta Hitz-Rusch en ina intervenziun parlamentara.

La Confederaziun duai augmentar il dumber da la guardia da cunfin.
Legenda: La Confederaziun duai augmentar il dumber da la guardia da cunfin. Keystone

Per pudair dar dumogn a las sfidas ed incumbensas centralas da la guardia da cunfin sco cumbatter il turissem criminal e la migraziun illegala, dovri dapli persunal, quai pretenda Brigitta Hitz-Rusch en sia intervenziun parlamentara.

Regenza pronta da far iniziativa dal chantun

Sco il chantun scriva, saja ina collavuraziun cun tut il corp da cunfin per il Grischun indispensabla. Era sajan ils ultims onns la collavuraziun vegnida engrondida ed era fatg pli effizienta. Il medem mument pretenda il chantun Grischun sco era gia auters chantuns che la guardia da cunfin survegnia dapli persunal.

Ils daners mancan

Sco la regenza chantunala scriva, manchia a la Confederaziun ils daners per dapli persunal als cunfins. Ma tenor la regenza grischuna dovria quai in augment dals daners per la guardia da cunfin. Uschia saja ella pronta d’acceptar la proposta d’inoltrar ina iniziativa dal chantun correspundenta.

RR novitads 12:00