Ina sessiun da trais dis custa 170'000 francs. Ed er sch'i n'ha da naginas decisiuns è Vitus Dermont persvadì ch'ils daners n'èn betg sfarlattads, perquai che tut las persunas sajan là per 300 francs per di. Quai na saja betg uschè bler en cumparegliaziun cun la lavur. Els tuts s'engaschian cun ideas, dettian direcziuns e manegian bain per il chantun Grischun.
Tuttina cuzzà memia lung
Vitus Dermont è tuttina dal maini che la debatta davart il program da la regenza haja cuzzà in zic memia lung, uschia ch'ins haja stuì spustar fatschentas. Malgrà che las reglas sajan cleras e mitga deputà sappia con ditg e contas giadas ch'el dastga discurrer, saja da ponderar tgè far en quater onns.
Il problem è tenor Vitus Dermont ch'il temps per la regenza e per ils presidents da las cumissiuns n'è betg limità. Uschia sajan sias pussaivladads sco president da manar la discussiun restrenschidas.
RR actualitad 06:00