Siglir tar il cuntegn

Header

cuntegn

Chantun BGV di «na» a l'iniziativa per sortir da l'energia nucleara

L’uniun grischuna d’artisanadi e mastergn refusa l’iniziativa da la partida verda per sortir da l’energia nucleara. Il motiv principal è che la Svizra stuess cumprar en l’exteriur current electric e quai per pretschs memia auts, scriva l’uniun venderdi a las medias.

I saja ridicul da vulair metter giud la rait las ovras atomaras e persuenter cumprar en electicitad da l'exteriur che vegnia era producì d'ovras atomaras, cotgla u gas. Quai na saja ni economic ni ecologic per la Svizra. Pir da dretg perquai che la "Ensi", l'uffizi federal per la segirezza nucleara classifitgeschia las ovras svizzras sco segiras.

Plinavant vegnian ovras atomaras culs onns era pli charas da mantegnair ed uschia mettian ils possessurs sez giu quellas cu ellas hajan ina tscherta vegliadetgna. L'iniziativa na cuvieria betg ils basegns d'energia da la Svizra. Ina sortida da l’energia nucleara stoppia vegnir planisada pli solid per ch’in concept d’energia persistent per il commerzi possia vegnir realisà, scriva l’uniun grischuna d’artisanadi e mastergn.

Las votaziuns han lieu ils 27 da november.

RR novitads 09:00

Artitgels legids il pli savens