La Procura publica grischuna ha elavurà l'onn 2019 dapli cas che l'onn avant. En tut hajan els serrà giu 18'978 cas – 500 dapli ch'avant in onn. Vinavant saja gartegià da reducir pendenzas. Pendent sajan anc 1'917 cas. L'onn avant èn quai anc stads 2'190 cas.
I saja gartegià da reducir las pendenzas, bain ch'igl ha dà quest onn var 270 cas novs dapli – total 18'705 l'onn 2019. Motivs per quest augment sajan dapli cas da criminalitad en la rait ed en la raits socialas. Era la lavur da chattar cumprovas saja vegnida pli pretensiusa.
audio
Per tadlar: Las novitads da las 14:00
ord Novitads dals 24.01.2020.
laschar ir. Durada: 2 minutas 58 Secundas.
RTR novitads 14:00