Siglir tar il cuntegn

Chantun Bilantscha intermediara da Pendicularas GR: «Modest positiv»

En ina emprima bilantscha intermediara fan las pendicularas grischuna biliantscha bufatg positiva. Fin la fin da december èn 15,6% dapli giasts stads en ils territoris da skis en il Grischun – cumpareglià cun la stagiun passada - ch'è stada ferm sut la media.

Legenda: Guardar il video «Naiv gia avant Nadal porta dapli giasts e damain custs». Durada 1:47 minutas.
Or da Telesguard dals 02.01.2018.

Bun'atmosfera, bunas pistas e plirs dis da sulegl durant l'ultim'emna dal 2017, hajan carmalà dapli skiunzs sin las pistas grischunas. Cun 15,6% dapli giasts ed uschia era dapli entradas, haja questa stagiun d'enviern cumenzà bain, communitgescha Pendicularas Grischun.

Suenter trais stagiuns difficilas tras la fermezza dal franc, pauc naiv natirala e sfidas tar la communicaziun, laschia quest'entschatta sperar.

Euforia n'è però betg da sentir. Cumpareglià cun las medias dals ultims 5 onns resulta in plus modest. Cumpareglià cun las medias dals ultims 10 onns resta la bilantscha anc adina negativa.

Meglier che l'onn passà, però betg anc bun

Legenda:
Bilantscha dumber da giasts pendicularas GR fin december 2017: Inditgà è il svilup cumpareglià cun l'onn passà, cun la media da 5 onns e cun la media da 10 onns. Organisaziun da branscha Pendicularas Grischun

Dapli giasts na munta betg automatic dapli svieuta

Legenda:
Dumber da giasts e svieuta 2017: Il svilup dal dumber da giasts tar las pendicularas, cumpareglià cun il svilup da la svieuta da transport (en %). Organisaziun da branscha Pendicularas Grischun

RR novitads 17:00