A partir dad oz dastga puspè vegnir fatg fieu en il liber. Il scumond ch'ha valì en il Grischun dapi la fin da mars è vegnì abolì. Il scumond na saja betg vegnì proclamà mo pervia da la setgira, mabain en emprima lingia pervi dals pumpiers. Tut segund avessan ins gì – pervi da la pandemia da corona – memia paucs pumpiers a disposiziun per in incendi da guaud. Quai ha ditg l'inspectur dals pumpiers dal Grischun, Hansueli Roth sin dumonda da RTR.
Roth fa bilantscha positiva dal scumond da far fieu. Ins saja cuntent cun la disciplina da la populaziun e led ch'i n'haja betg dà grond incendis.
