Siglir tar il cuntegn

Header

cuntegn

Bio e Grischun Quant biologic è il chantun?

Il Grischun vala sco «il» chantun da bio. 62% dals purs produceschan a moda biologica. Ma co vesa quai ora tar las instanzas chantunalas? Quant biologic è il chantun sez?

Il Plantahof

Grischun vacanzas fa gugent reclama cun bio, cun vatgas cun corna, cun il Grischun sco «il» chantun da bio. Ma quant bio è davos quella fatschada? Quai entschaiva tar la scolaziun dals purs e da las puras, tar il Plantahof. Quel ha ditg valì sco ina scola da purs fitg convenziunala. Daditg avevan ils purs grischuns midà lur producziun sin bio, ma la scolaziun dal Plantahof na vuleva savair nagut da bio. Quai para ussa dad avair midà:

video
Quant biologic è il chantun?
Or da Actualitad dals 18.05.2020.
laschar ir. Durada: 3 minutas 55 Secundas.

Il bain puril da Realta

Il chantun è era in pur. In dals pli gronds bains purils maina numnadamain il chantun: Il bain puril da la praschun da Realta. Ma era quel bain na vegn betg manà sut il label da bio. E quel vegn manà tenor il motto: «Nagin bio na sto betg muntar nagina durabilitad».

video
Il bain puril da Realta
Or da Actualitad dals 18.05.2020.
laschar ir. Durada: 4 minutas 7 Secundas.

Grischun il pli biologic en Svizra

62% dals purs èn producents biologics en Grischun. Correspundentamain vegn ina gronda part da la surfatscha cultivada a moda biologica. Cun bunamein 37'000 hectaras è il Grischun il chantun cun la pli gronda producziun biologica da l'entira Svizra. 65,8% dal terren agricol en il Grischun vegn cultivà a moda biologica. En l'entira Svizra munta questa cumpart be a 16,5%.

RTR Telesguard 17:40

Artitgels legids il pli savens