Siglir tar il cuntegn
Inhalt

Chantun Biologs da selvaschina scusseglian da pavlar animals

La selvaschina patescha las grondas navadas e las temperaturas fraidas. Tuttina na duain ins betg pavlar ils animals. Quai scusseglia il circul da lavur grischun da biologs da selvaschina e pestga.

Dus chavreuls tschertgan en la naiv nutriment.
Legenda: Er sch'i vegn durant l'enviern magari stretg cun il nutriment na saja pavlar betg la soluziun. Keystone

Sin l’emprima egliada pari bun da pavlar la selvaschina, tar l’analisa en detagl sa mussian dentant problems considerabels, scrivan ils experts. La selvaschina vegnia uschia numnadamain carmalada or da lur abitadi natiral pli datiers dals vitgs. E quai chaschunia stress tranter ils animals, cunzunt tar ils flaivels. Plinavant saja datiers da l’abitadi dal carstgaun il ristg da dar vinavant malsognas pli grond.

Scumond da pavlar fa senn

Ord quai motiv vegnan ils biologs tar la conclusiun ch’in scumond da pavlar, sco quai ch’i dat en il chantun Grischun fetschia senn. Quai ord motivs ecologics ed era ord motivs da derasar epidemias. Pavlar en cas d’urgenza saja mo pensà sco excepziun.

RR novitads 12:00