Ils fans da mountainbike han duvrà pazienza per arrivar cun l'auto a Lai als campiunadis mundials ed era per turnar a chasa vegn la situaziun ad esser sumeglianta. Enturn Lai stagnescha il traffic. I na dettia naginas pussaivladads per guntgir la colonna, ha la polizia chantunala confermà ad RTR.
Sin l'autostrada tranter Cuira nord e Tusaun nord èsi privel ch'i pudess dar colonnas pervi da memia bler traffic.
Ed en la regiun gronda enturn Cuira, Lai e Tusaun èsi da far quint cun impediments da traffic, quai pervi dals campiunadis mundials da mountainbike a Lai. Oravant tut suenter la cursa ston ins puspè quintar cun impediments da traffic e lungas colonnas.