Siglir tar il cuntegn

Header

audio
Survista da las cudeschaziuns da chamonas da CAS
Or da Actualitad dals 07.07.2020.
laschar ir. Durada: 02:26 minutas.
cuntegn

Bleras cudeschaziuns Coronavirus rinforza in trend

Oravant tut las fins da l'emna sajan las chamonas en Svizra occupadas fitg bain. Motiv per quai saja il coronavirus, suppona il manader dal manaschi da chamonas da CAS, Bruno Lüthi. La glieud saja quasi sfurzada da passentar las vacanzas en Svizra e bleras chamonas stoppian reducir lur capacitads.

Per quels che vulan anc cudischar ina pernottaziun en ina chamona da CAS, cusseglia Bruno Lüthi da sa concentrar sin ils lavurdis. Tschertas chamonas hajan stuì sminuir lur capacitad per la mesadad, declera el.

(Anc) nagin boom, ma in trend

Malgrà la buna occupaziun – in veritabel boom da pernottar en chamonas da CAS na datti tenor Bruno Lüthi anc betg propi.

Nus sentin gia dapi in temp in trend da vacanzas en las muntognas e moviment en la natira. Tras il coronavirus vegn quel trend anc rinforzà.
Autur: Bruno Lüthimanader dal manaschi da chamonas da CAS

Uschia spera el ch'i dettia ina buna stagiun per las chamonas, malgrà las mesiras da protecziun. Il factur il pli decisiv saja uschè u uschia l'aura. «Sch'igl è trid'aura vegnan las annullaziuns», explitgescha Bruno Lüthi.

RTR actualitad 07:00

Artitgels legids il pli savens

Scrollar a sanestra Scrollar a dretga