Sonda lunga – program lung
Radiotelevisiun Svizra Rumantscha ha mess ensemen in program spezial per la sonda lunga: multifar, e per in e scadin: Paraulas, jazz ed ils Furbaz e lura er bunas tratgas e bavrondas avant la chasa RTR a Cuira.
Istorginas cun Tonia Maria Zindel
Tonia Maria Zindel ha raquintà istorgias plain tensiun, legras e divertentas. Il studio da televisiun da RTR è sa midà per ina giada en ina cuntrada da paraulas magica.
Sco regurdientscha han survegnì ils uffants in video da lur visita tar RTR.
-
Bild 1 von 5. Gia a l'entrada da RTR spetga in mund magic. Bildquelle: RTR, Erwin Ardüser.
-
Bild 2 von 5. La via en il studio da RTR è plain magia. Bildquelle: RTR, Erwin Ardüser.
-
Bild 3 von 5. Il zuler avant il studio da la Televisiun Rumantscha. Bildquelle: RTR, Erwin Ardüser.
-
Bild 4 von 5. In mund magic en il studio da la Televisiun Rumantscha. Bildquelle: RTR, Erwin Ardüser.
-
Bild 5 von 5. La microlotta è plazzada avant porta da la chasa da medias RTR. Bildquelle: RTR.
Allegra tar RTR
Visitadras e visitaders han pudì dar in sguard davos las culissas da RTR, emprender d’enconuscher las moderaturas ed ils moderaturs, e far in selfie cun Tumasch ubain simplamain sa divertir en la «Canorta» da RTR. E per il bain corporal ha procurà «Amarenda» ch'ha pupragnà pitschen e grond cun spezialitads culinaricas dal Grischun.
Jazz live
Jazz live han sunà Claudio Bergamin, Rolf Caflisch, Rees Coray, Andi Schnoz e Stefan Widmer.
Furbaz
Pliras plattas fonograficas dad aur e duas giadas il Prix Walo da la scena da show svizra èn perditga dal success da FURBAZ. Cun lur chanzuns da Nadal intgantan els dapi decennis l’entira Svizra.
RTR ha preschentà il bain pli enconuschent ensemble da chant rumantsch cun in schatg exclusiv da sia nova turnea.