Siglir tar il cuntegn

Header

cuntegn

Brev averta da Turitg Martin Grichting duai sa retrair

Il vicari general da Cuira, Martin Grichting, duai sa retrair. Quai pretenda il president da la sinoda catolica dal chantun Turitg Felix Caduff. En ina brev averta pretenda Caduff, che Grichting sa retiria per il bainstar da la pasch religiusa en l’uvestgieu da Cuira.

Tenor differents rapports da medias era Grichting in dals responsabels principals daco ch’ils canonis n’èn betg entrads il glindesdi en discussiun per in nov uvestg. Martin Grichting tutga tar ils spirituals conservativs. Er in insider ha ditg envers RTR, che la part conservativa na vuleva betg decider davart in nov uvestg.

Per Felix Caduff na saja betg en urden, ch'il capitel catedral desista da ses privilegi d'eleger sez in nov uvestg. Per las persunas cun pensar democratic entaifer la baselgia catolica, saja quai «in affrunt nunacceptabel». Perquai pretenda il president da la sinoda dal chantun Turitg, che Grichting sa retira.

Ord l'archiv

L'uvestgieu da Cuira è en in stadi desolat. Quai manegia Mariano Tschuor, enconuschider da la baselgia catolica. Sco el ha ditg mardi envers RTR, haja el schon avant l'inscunter dals 22 canonis quintà cun ina sort «eclat».

video
La via tar in nov uvestg da Cuira pudess anc esser lunga
Or da Telesguard dals 24.11.2020.
laschar ir

RTR novitads 14:00

Artitgels legids il pli savens

Scrollar a sanestra Scrollar a dretga