Siglir tar il cuntegn

Chantun Bun attestat per Banca chantunala grischuna

La Banca chantunala grischuna survegn in bun attestat dals experts independents. L'interpresa da cussegliaziun Ernst & Young vegn a la conclusiun che la banca chantunala saja ina banca fitg segira.

La Banca chantunala grischuna ha agens meds da 2,3 milliardas francs.
Legenda: La Banca chantunala grischuna ha agens meds da 2,3 milliardas francs. RTR, Flurina Alig

Suenter il 2010 ha l'interpresa da cussegliaziun Ernst & Young analisà per la segunda giada la ristga e la responsabladad da la banca pertutgant la garanzia da stadi – quai per incumbensa da la regenza grischuna.

Il rapport vegn danovamain a la conclusiun che la banca chantunala saja ina banca fitg segira ed haja ina substanza ordvart ferma – quai cun agens meds da 2,3 milliardas francs. La regenza e la direcziun da la banca communitgeschan ch'ellas sajan fitg cuntentas cun il giudicament.

RR novitads 20:00