L'hotellaria grischuna ha pudì nudar per il mars da quest onn in plus da 3,4%, cumpareglià cun il mars dal 2018. En tut èn vegnidas dumbradas il mars 661'525 pernottaziuns. Quai èn pli che 20'000 pernottaziuns dapli che durant il mars da l'onn avant.
Guardà sin l'emprim quartal da l'onn current – da schaner fin mars – è il dumber da pernottaziuns restà sin il livel da l'onn passà , quai cun bun 2 milliuns pernottaziuns.
Damain pernottaziuns en l'entira Svizra
Per la perioda da schaner fin mars resulta perquai tar il total da las pernottaziuns in minus dad 1,1% cumpareglià cun il medem temp da l'onn passà. En tut èn vegnidas dumbradas durant l'emprim quartal 9,3 milliuns pernottaziuns en l'entira Svizra.
Cumpareglià cun l'onn avant ha l'hotellaria svizra pudì augmentar il dumber da pernottaziuns per 0,6% sin total 3,35 milliuns pernottaziuns. Il schaner e favrer era il dumber mintgamai sa reducì.
RR novitads 09:00
