Enfin ussa è il svilup da la stagiun d'enviern stà segnà pli ferm da Son Pieder che da «Jordan». Quai scrivan las pendicularas grischunas faschend allusiun al curs minimal da l'euro che n'exista betg pli. Il svilup dal favrer laschia sperar, ma i na saja betg inditgà da far sigls da legria.
Il favrer 2015 han las pendicularas grischunas registrà passa 12% dapli giasts che l'onn passà ed er en cumparegliaziun cun ils davos 5 onns èn ins per 1,6% sur la media.
Dal cumenzament da la stagiun enfin la fin favrer han 1,9% dapli sportists d'enviern fatg diever da las pendicularas da noss chantun ch'avant in onn. La fin schaner eri anc 3,3% damain.
Las pistas sajan anc adina top en tuttas destinaziuns. Er quai detti speranza a la branscha.
RR novitads 20:00