Siglir tar il cuntegn

Header

cuntegn

Burgais da l'UE/EFTA Novas permissiuns en furma da carta da credit

Purtret d'ina legitimaziun d'esters.
Legenda: Quest format da permiss per esters duai midar sco emprim en il format da carta da credit. Keystone

Il Grischun introducescha las permissiuns da domicil per persunas estras en furma da carta da credit. Tenor communicaziun dettia l'emprim ils documents da legitimaziun C sco carta da credit. Fin il pli tard la stad 2021 vegnia lura er midà il format da tut las autras categorias da permissiun.

Purtret d'ina carta en il format da carta da credit cun si in C.
Legenda: En avegnir duain las permissiuns da domicil per persunas estras vegnir fatgas en questa furma. La midada cumenza tar ils permiss da legitimaziun C. Keystone

Per pudair laschar far ina tala permissiun ston ils requirents ir en in dals dus centers da documents d'identitad a Cuira u a Zernez. La fotografia sco era la suttascripziun vegnan tschiffadas a moda digitala.

Tut ils documents che persunas estras han survegnì fin uss per sa legitimar, restian valaivlas fin a lur scadenza.

Dumonda vegn vinavant tschentada tar vischnanca

Las dumondas per tals permiss vegnan vinavant tschentadas tar la vischnanca. Quella dat lura vinavant ils documents necessaris ad in dals dus centers da documents d'identitad – da nov dentant senza foto da pass. Suenter survegnan ils requirents ina dumonda da s'annunziar, per pudair far in termin.

La taxa per la lubientscha per burgais da stadis da l'UE e stadis da EFTA restan vinavant tar 65 francs per permiss. Vitiers vegnan 5 francs per trametter la carta. Il permiss da domicil custa 15 francs dapli, per tschiffar la foto e la suttascripziun sco era 10 francs dapli per la carta en furma da carta da credit.

RTR novitads 09:00

Dapli da Grischunavrir la Landingpage

Nach links scrollen Nach rechts scrollen