Siglir tar il cuntegn

Header

cuntegn

Bus da Cuira Bus verds – malgrà colur cotschna

La flotta da l'interpresa «Bus und Service AG» (BuS AG) vegn cumplettada cun tschintg novs bus d'ibrid. Ils models . Trais da quests bus vegnan en acziun a Cuira e dus en l'Engiadina. Ils tschintg bus novs d'ibrid remplazzan tschintg vehichels da diesel. Quai duai spargnar 15% diesel. Sco quai che la BuS AG communitgescha, saja in dals vehichels novs gia etichettà e dapi quest'emna en funcziun sin las vias da Cuira. Ils ulteriurs quatter bus novs arrivian il decurs da las proximas emnas.

Ils trais bus per Cuira èn autobus cun scharnier ed ils bus per l'Engiadina dus uschenumnads solobus.

L'entira flotta da la BuS AG dumbra 47 bus da scharnier e bus da standard. Cun ils tschintg vehichels novs dettia uss en l'entira flotta gia otg vehichels cun tracziun d'ibrid, quai sajan 17% da l'entira flotta. Il bus da Cuira aveva gia experimentà pli baud cun bus ibrids ed electrics. Quels n'han dentant betg persvadì puncto prestaziun, uschia ch'els èn il 2014 puspè vegnids remplazzads suenter radund trais onns.

RTR novitads 16:00

Artitgels legids il pli savens