La Bus e Service SA u l'anteriur Bus da Cuira e da l'Engiadina, èn cuntents cun l'onn da gestiun 2019. Els han fatg l'onn passà in gudogn da radund 540'000 francs, tar ina svieuta da 22 milliuns. Sco l'interpresa communitgescha, saja quai circa tuttina bler sco durant il 2018.
Persuenter hajan ils bus da Cuira e da l'Engiadina transportà l'onn passà enturn 700'000 passagiers dapli – pia enturn 9,4 milliuns – ed er fatg 3,5% dapli kilometers che l'onn avant. Tuttina spetgian uss novas sfidas l'interpresa, sco il president dal cussegl d'administraziun, Alois Vinzens di:
In da quests svilups è l'introducziun da l'assistent per spargnar energia RIBAS. In auter pass saja stà la surpigliada da la direcziun da la fundaziun per persunas cun impediments Mobilita, l'atun passà.
