Siglir tar il cuntegn

Header

Ina tabla cun scrit si ch'ins n'astga betg campar.
Legenda: Keystone
cuntegn

Campar selvadi Grischun Vacanzas vesa potenzial en campaders selvadis

Luzi Bürkli da Grischun vacanzas na manegia betg ch’il campar selvadi periclitescha il turissem – els sajan led per mintga giast che fetschia vacanzas en il Grischun. Vinavant sajan quai era giasts potenzials per ulteriurs onns.

Sa chapescha propaghescha Grischun vacanzas betg da campar selvadi, di Luzi Bürkli. Perquai lavuran els uss da nov ensemen cun la plattafurma «Nomady». Quella funcziuna circa sco «Airbnb», simplamain enstagl d’abitaziun san ins reservar terren per campar. Uschia spera Grischun vacanzas da sminuir il campar selvadi.

En general survegnia Grischun vacanzas era fitg darar ina reclamaziun perquai ch'insatgi saja vid campar selvadi, declera il pledader da medias da Grischun vacanzas.

Bun da savair avant che campar en il GR

  • Adatg: Da vischnanca tar vischnanca valan autras reglas. S'infurmar ordavant!
  • Betg lubì da campar en general: Asil da selvaschina, territori natiral protegì, parc naziunal, biotops e.u.v. Qua datti ina carta spezialisada: map.geo.admin.ch, il link avra en ina nova fanestra
  • La plattafurma «Nomady»: Sche Ti na vul betg campar tar in campadi.

RTR actualitad 08:00

Artitgels legids il pli savens

Scrollar a sanestra Scrollar a dretga