Siglir tar il cuntegn

Header

audio
Saira: Cancer dal sain – exempel da Claudia Cathomen ed in psicolog
Or da Actualitad dals 23.10.2019.
laschar ir. Durada: 03:20 minutas.
cuntegn

Cancer dal sain Cancer n'è betg be ina malsogna dal corp

Radund 6'000 dunnas en Svizra tschiffan mintg'onn la diagnosa cancer dal sain. Uschia er Claudia Cathomen, la dunna da 51 onns da Falera. E la diagnosa è stada in schoc, perquai che «jau na sun mai stada malsauna e na fiss perquai er bunamain betg ida a la mammografia che mintga dunna tschiffa l'invit da far suenter ses 50avel anniversari». Per fortuna è ella ida, perquai che suenter quest'emprima mammografia èn svelt suandadas ulteriuras controllas, ina biopsia, e la diagnosa.

Video
Il cancer dal sain n'è betg be ina malsogna dal corp
Or da Telesguard dals 23.10.2019.
laschar ir

I dovra bler temp da sa revegnir

E malgrà che Claudia Cathomen ha gì cletg en il discletg e pudì laschar operar il tumor baud, è cancer betg simplamain sco ina varicla ch'ins po tagliar davent e lura èsi bun. Cancer e cunzunt er la medicaziun encunter, strapatschan l'entir corp ed er l'olma.

TR Telesguard 17:40