Siglir tar il cuntegn

Header

video
Ils novs trens «Capricorn» da la Viafier retica
Or da Telesguard dals 18.06.2020.
laschar ir. Durada: 2 minutas 42 Secundas.
cuntegn

«Capricorn» Mument istoric per la Viafier retica

Dapi gievgia è l'emprim tren «Capricorn» da viadi. Igl è l'emprim da totalmain 56 trens novs che la Viafier retica ha cumprà.

Suenter onns da planisaziun e numerus tests ha l'emprim tren «Capricorn» gì la gievgia saira ses viadi da premiera. Quai da Landquart fin a Tavau. Igl è stà l'emprim da total 56 trens «Capricorn» che la Viafier retica ha cumprà.

Quai è il cumenzament d'ina gronda midada tar la Viafier retica.
Autur: Renato Fasciati directur

Las investiziuns han dentant er ses pretsch: Totalmain var 530 milliuns francs. Ils trens vegnan a remplazzar, pass per pass, trens pli vegls che van actualmain anc a spass sin las rodaglias grischunas. Quasi mintga mais duess in nov tren vegnir en funcziun.

Daco «Capricorn»?

Il num capricorn ha in connex direct cun il Grischun. Il nov tren saja, per ina, agil, declera Renato Fasciati. Per l'autra saja il tren er modest e betg pumpus. E la fin finala saja il nov tren in Grischun cun bler luschezza, exact sco l'animal.

RTR actualitad 12:00

Artitgels legids il pli savens