Siglir tar il cuntegn

Header

video
Grischun Vacanzas sto chattar la via or da la crisa
Or da Telesguard dals 08.05.2015.
laschar ir
cuntegn

Chantun Carmalar dapli Svizzers en il Grischun

Alla radunanza generala da Grischun Vacanzas ha il president, Marcel Friberg ditg sco quai ch'igl è. Il Grischun haja radund 700 hotels, 46'000 letgs ed uschia in potenzial da 18 milliuns pernottaziuns ad onn, nizzegià vegnia dentant strusch in terz da quest potenzial.

«In turissem che registreschia sulettamain pli 5 milliuns pernottaziuns ad onn, pericliteschia era l'economia», ha ditg Friberg. I dettia ina reacziun da chadaina massiva. Pli paucas pernottaziuns muntian pli paucs lavurers e quai chaschunia pli paucas entradas da taglia ed uschia haja er il turissem pli paucs daners a disposiziun. I saja perquai da reagir ussa. Friberg ha menziunà en spezial dus puncts: Carmalar dapli Svizzers en il Grischun e tgirar ils possessurs da segundas abitaziuns che quels daventian quasi ambassadurs dal Grischun.

Marcel Friberg è vegnì reelegì

Marcel Friberg resta president da Grischun Vacanzas. La radunanza generala da l'organisaziun turistica ha reelegì Friberg per in'ulteriura perioda d'uffizi.

Medemamain vegnids reelegids èn ils dus commembers da la suprastanza Corinne Denzler e Reto Wilhelm. Il sez da Thomas Spielmann ch'ha demissiunà resta però vacant.

La radunanza ha plinavant approvà il quint 2014 da Grischun Vacanzas. Quel serra cun in deficit da 46’000 francs tar expensas totalas dad 11 milliuns francs.

RR novitads 16:00

Artitgels legids il pli savens

Scrollar a sanestra Scrollar a dretga